युनाइटेड क्लबको अध्यक्षमा श्रेष्ठ सर्बसम्मत

युनाइटेड क्लब पोखराको नयाँ कार्यसमिति अध्यक्षमा राजु श्रेष्ठ निर्विरोध निर्वाचित भएका छन् ।

क्लबको शुक्रबार आयोजित १५ औं साधारणसभा तथा पाँचौ अधिवेशनले कार्यसमितिको नेतृत्वमा श्रेष्ठलाई चयन गरेको हो । समितिको प्रथम उपाध्यक्षमा लोकबहादुर थापा र द्वितीय उपाध्यक्षमा गणेश तिमिल्सिनालाई चयन गरिएको छ ।

समितिको महासचिवमा सन्तबहादुर थापा, कोषाध्यक्षमा सूर्यबहादुर बानियाँ, सचिवमा दिनेश सुनार र सहकोषाध्यक्षमा पूर्णकला बाँस्तोला पोखरेललाई जिम्मेवारी दिइएको छ ।

त्यस्तै, सदस्यमा सिमा गुरुङ, सन्तोष कार्की, दिवानी सुवेदी, विष्णु गुरुङ, पुर्ण श्रेष्ठ, चन्द्रा पराजुली, शिव थापा र जयराम आचार्यलाई चयन चयन भएका छन् ।

क्लबले पोखरामा वर्षेनी पोखरा महोत्सव गर्दै आइरहेको छ । शिक्षा, स्वास्थ्य र खेलकुदका क्षेत्रमा क्लबको सक्रियता छ ।

सर्वसम्मत अध्यक्ष चयन गर्ने क्लबका सम्पूर्ण साधारण सदस्यहरुप्रति आभार व्यक्त गर्दै श्रेष्ठले सबैलाई समेटेर क्लबको नेतृत्व गर्ने प्रतिबद्धता गरेका छन् ।