पोखरामा २४ सहित गण्डकी प्रदेशमा थपिए ३५ संक्रमित थपिए

गण्डकी प्रदेशमा थप ३५ जनामा कोरोना पुष्टि भएको छ ।

प्रदेश क्षयरोग उपचार केन्द्रमा गरिएको परीक्षणमा ५ जिल्लाका ३५ जनामा पोजेटिभ देखिएको हो ।

कोरोना संक्रमण पुष्टि हुनेमा सबैभन्दा धेरै कास्कीका २४ जना छन् । सबै संक्रमित पोखरा महानगरपालिकाका हुन् ।

तनहुँका ५, लमजुङका ३, नवलपुरका २ र गोरखाका १ जनामा संक्रमण पुष्टि भएको प्रदेश स्वास्थ्य निर्देशनालयले जनाएको छ ।

योसहित गण्डकी प्रदेशमा कोरोना संक्रमितको संख्या ४५ सय ३३ पुगेको छ ।