पोखराका २६ सहित गण्डकीमा ७५ संक्रमित थपिए

पोखरामा थप २६ जना कोरोना संक्रमित थपिएका छन् । योसंगै गण्डकीमा थपिने संक्रमितको संख्या ७५ पुगेको छ ।

गण्डकी प्रदेश स्वास्थ्य निर्देशनालय पोखराले शनिबार दिउँसोसम्म पोखरामा २६, नवपुरमा २३ जना संक्रमित थपिएको जनाएको छ।

त्यस्तै बागलुङका ११ जना, तनहुँका सात जना र गोरखाका चार जना छन् । गोरखा, स्याङ्जा, पर्वत, लमजुङ र म्याग्दीका एक एक जना संक्रमित भएका छन् ।

गण्डकी प्रदेश स्वास्थ्य निर्देशनालयका निर्देशक डा. विनोदविन्दु शर्माका अनुसार गण्डकीमा संक्रमितको संख्या चार हजार ६९२ पुगेको छ ।