तनहुँमा एकैपरिवारका ३ जनाको कोरोना संक्रमणबाट मृत्यु

कोरोना संक्रमणका कारण भीमाद नगरपालिकामा एकै परिवारका ३ सदस्यको ज्यान गएको छ ।

भीमाद ६ का धर्मकुमार श्रेष्ठ र उनका २ छोराको कोरोनाका कारण ज्यान गएको हो ।

कोरोनाकै कारण धर्मकुमारको आइतबार काठमाडौंको मेडिसिटी हस्पिटलमा निधन भएको हो ।

श्रेष्ठका माइला छोरा कृष्णकुमार श्रेष्ठको २४ असोजमा बिएन्डबी अस्पतालमा र साइँला छोरा विष्णुकुमार श्रेष्ठको १८ असोजमा उचपारकै क्रममा मृत्यु भएको थियो ।

संक्रमण पुष्टि भएकी कृष्ण कुमारकी श्रीमती शुक्रराज ट्रपिकल तथा सरुवा रोग अस्पताल टेकुमा उपचाररत छन् ।

जेठा छोरासमेत कोरोना संक्रमित भएपछि अहिले काठमाडौंकै ह्याम्स अस्पतालमा उपचाररत छन् ।जेठा छोराकी बुहारी पनि अहिले कोरोनाका कारण होम आइसोलेसनमा छन् ।

धर्मकुमारका कान्छा छोरा अमृत श्रेष्ठमा १७ असोजमा कोरोना पुष्टि भएको थियो ।