पोखरामा लाइफकेयर ल्याबले सुरु ग¥यो पीसीआर परीक्षण

पोखराको लाइफकेयर डाइग्नोस्टिक प्रालिले कोरोना भाइरसको पीसीआर परीक्षण सुरु गरेको छ ।

बिगत ५ वर्ष अगाडिबाट पोखराको न्युरोडस्थित सञ्चालित ल्याबले नेपाल सरकार स्वास्थ्य मन्त्रालय अन्तर्गतको नेशनल पब्लिक हेल्थ

ल्याब्रोटरी (एनपिएचएल) बाट मान्यता प्राप्त प्रदेशकै १ मात्र ‘क’ वर्गको उक्त ल्याबले पहिलोपटक निजीस्तरबाट पीसीआर परीक्षण सुरु गरेको हो ।

कोभिड परीक्षणका लागि मात्रै १ करोड रुपैयाँ भन्दा बढी थप लगानी गरी प्रयोगशाला स्थापना गरिएको सञ्चालक डा. अमर नागिलाले जानकारी दिए ।

पीसीआर परीक्षणका लागि १५ जना दक्ष जनशक्तिको व्यवस्था गरिएको नागिलाले जानकारी दिए ।

ल्याबमा १ पटकमा ९६ वटा नमुना परीक्षण गर्न सकिने किसिमको ९६ वेलप्लेट आरटिपिसिआर मेसिन राखिएको छ ।

ल्याबमा बिहान ७ बजेबाट साँझ ७ बजेसम्म करिब ३ सय स्वाब परीक्षण गर्न सकिने छ । आवश्यकता अनुसार २४ घण्टा नै ५ सय बढी परीक्षण गर्न सकिने नागिलाले बताए ।

गण्डकी प्रदेशको आवश्यकतालाई मध्यनजर गर्दै पीसीआर परिक्षणका लागि प्रतिब्यक्ति २ हजार रुपैयाँ कायम गरिए छ ।

पोखरासहित गण्डकी प्रदेशको आवश्यकतालाई मध्यनजर गरी कोभिड परीक्षण सुरु गरिएको ल्याबले जनाएको छ ।