पोखरामा कोरोना संक्रमणबाट २ जनाको मृत्यु

पोखरामा कोरोना संक्रमणबाट शनिबार २ जनाको मृत्यु भएको छ ।

स्वास्थ्य निर्देशनालय गण्डकीले पोखरा महानगरका १ पुरुष र १ महिलाको मृत्यु भएको जनाएको छ।

निर्देशनालयले पोखरा महानगरपालिका वडा नं. ३ का ५६ वर्षीया महिला र वडा नं १७ का ४६ बर्षिय पुरुषको मृत्यु भएको जानकारी दिएको छ।

महिलाको पोखरा स्वास्थ्य विज्ञान प्रतिष्ठान अन्तरगतको पश्चिमाञ्चल क्षेत्रीय अस्पतालमा उपचारका क्रममा शुक्रबार राति मृत्यु भएको हो ।

कोरोना संक्रमणको आशंकामा उनको शुक्रबार नै स्वाब संकलन गरी संकलन गरिएकोमा शनिबार रिपोर्ट पोजेटिभ आएको हो । उनमा

कोभिड–१९ सँगै अन्य समस्या पनि रहेको जनाइएको छ ।

यसैगरी पोखरा १७ का ४७ बर्षीय कोरोना संक्रमित पुरुषको उपचारका क्रममा चरक मेमोरियल अस्पतालमा मृत्यु भएको निर्देशनालयले जनाएको छ ।

उनको उपचारका क्रममा शुक्रबार दिउँसो मृत्यु भएको हो ।गण्डकी प्रदेशमा कोरोनाले मृत्यु हुनेको संख्या ५० पुगेको छ ।