जीप दुर्घटना हुँदा पाँच जनाको मृत्यु

जीप दुर्घटना हुँदा पाँच जनाको मृत्यु भएको छ।

उदयपुरको कटारी नगरपालिका–१४ भदौरे भिरमा शनिवार राती १ बजेतिर भैरहवाबाट कटारी हुँदै ओखलढुंगा मानेभन्ज्याङ्क जान लागेको बा २० प ७१७१ नम्वरको जीप दुर्घटना हुँदा पाँच जनाको मृत्यु भएको हो।

दुर्घटनामा परि चालक सहित अन्य तीन जना भने घाइते भएका छन्। मृत्यु हुनेमा मानेभन्ज्याङ्का ४५ वर्षीय रामबहादुर सार्की र कर्ने सार्कीको भने सनाखत भइसकेको छ।

तीन जनलाई थप उपचारको लागि विराटनगर पठाएका प्रहरीले जानकरी दिएको छ। गाडी सडकबाट करिब १ मिटर तल खसेको छ।

उनीहरु भारतबाट दशैं मनाउन घर फर्किएको खुलेको छ।