लकडाउनकै अवघिमा भएका दुर्घटनामा गण्डकी प्रदेशका ३९ जनाको मृत्यु

गण्डकी प्रदेशमा चालु आर्थिक वर्षको तीन महिनामा सवारी साधन दुर्घटनामा ३९ जनाले ज्यान गुमाएका छन् ।

कोभिड १९ का कारण लकडाउन घोषण गरिएको समयमा गण्डकी प्रदेशमा सवारी दुर्घटनामा ३९ जनाले ज्यान गुमाएका हुन्।

प्रदेशका ११ जिल्लामध्ये सबैभन्दा धेरै सवारी साधन दुर्घटना नवलपरासी (बर्दघाट–सुस्तापूर्व)मा भए पनि सबैभन्दा बढी कास्कीमा ११ जनाले ज्यान गुमाएका छन् ।

गण्डकी प्रदेश ट्राफिक प्रहरी प्रमुख एसपी प्रभु ढकालले प्रदेशका ११ जिल्लामा तीन महिनामा १०२ वटा सवारी दुर्घटना भएको बताए।

उनका अनुसार नवलपरासी पूर्वमा मात्रै ४८ वटा सवारी साधन दुर्घटनामा परेका भन्दै उनले ती दुर्घटनामा सात जनाले ज्यान गुमाएका छन् ।

कास्कीमा २२ वटा सवारी साधन दुर्घटनामा ११, तनहूँमा १० वटा सवारी साधन दुर्घटनामा चार, स्याङ्जामा नौ वटा सवारी साधन दुर्घटनामा १०, लमजुङमा र बागलुङमा चार/चार वटा सवारी साधन दुर्घटनामा दुई/दुई जनाले ज्यान गुमाएका ढकालले बताए ।

यस्तै, पर्वतमा दुई वटा सवारी साधन दुर्घटनामा दुई जनाको मृत्यु भएको छ भने म्याग्दीमा भएको एउटा सवारी साधन दुर्घटनामा एक जनाले ज्यान गुमाएका छन् ।

गण्डकी प्रदेशको गोरखा र मुस्ताङमा एक/एक वटा सवारी साधन दुर्घटनामा परेका भएपनि कसैको ज्यान गएको छैन /मनाङमा कुनै पनि सवारी साधन दुर्घटनामा नपरेका ढकालको भनाइ छ ।

सवारी दुर्घटनामा ५० वटा मोटरसाइकल, २१ वटा जीप, कार, १३ वटा ट्याक्टर, सात वटा ट्रक तथा ट्याङ्कर, चार वटा बस, तीन वटा साइकल तथा दुई/दुई वटा डोजर तथा ट्याम्पो दुर्घटना भएको ढकालले बताए ।