सशस्त्र प्रहरीका सईको कोरोना संक्रमणबाट मृत्यु

सशस्त्र प्रहरीका सईको कोरोना भाइरसको संक्रमणबाट मृत्यु भएको छ ।

काठमाडौंको बलम्बुस्थित सशस्त्र प्रहरी अस्पतालमा उपचारको क्रममा सई नगेन्द्र खड्काको मृत्यु भएको सशस्त्र प्रहरी बलले जनाएको छ ।

सशस्त्र प्रहरी बलका प्रवक्ता राजु अर्यालले खड्काको आइसियूमा उपचारका क्रममा खड्काको मृत्यु भएको जानकारी दिएका छन् । उनलाई स्वासप्रश्वासमा समस्या थियो ।

लुम्बिनी प्रादेशिक अस्पतालबाट गएको असोज २० गते उनलाई सशस्त्र प्रहरी अस्पताल ल्याइएको थियो ।

दैलेख घर भएका खड्का अर्घाखाँचीमा कार्यरत थिए ।