पोखरामा ५ सहित गण्डकी प्रदेशमा कोरोना संक्रमणबाट ६ जनाको मृत्यु

पोखरामा ५ सहित गण्डकी प्रदेशमा कोरोना भाइरसको संक्रमणबाट ६ जनाको मृत्यु भएको छ।

स्वास्थ्य निर्देशनालय गण्डकीकाले पोखरामा ५ र तनहुँका एक गरी एकै दिन ६ जनाको मृत्यु भएको जनाएको छ ।

पोखराको चरक मेमोरियल हस्पिटलमा उपचाररत तनहुँ र स्याङजाका १ ।१ पुरुषको मृत्यु भएको छ।

त्यसैगरी पोखरा महानगरका ५ जनाको मृत्यु भएको गण्डकी प्रदेश स्वास्थ्य निर्देशक डा. विनोद विन्दु शर्माले जानकारी दिए।

मृत्यु हुनेहरुमा पोखरा महानगर ३२ की ४२ वर्षीया महिला, पोखरा २६ का ७३ वर्षीय पुरुष र पोखरा २५ का ५२ वर्षीय पुरुषको पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको हो ।

त्यसै गरि पोखरा १६ का २८ वर्षीय पुरुषको मणिपाल हस्पिटल पोखरामा मृत्यु भएको छ। त्यस्तै पोखरा १६ का ५९ वर्षीय पुरुष र स्याङजा फेदीखोलाका ७५ वर्षीय पुरुषको समेत मृत्यु भएको छ।

तनहुँ ब्यास का ७० वर्षीय पुरुषको बुधबार दिउसो चरक मेमोरियल हस्पिटलमा उपचारको क्रममा मृत्यु भएको स्वास्थ्य निर्देशनालय गण्डकीले जनाएको छ ।

यस संगै गण्डकी प्रदेशमा कोरोना संक्रमणबाट मृत्यु हुनेको संख्या ९४ पुगेको छ ।