पोखरामा ३६ सहित गण्डकी प्रदेशमा थप ३८ जनामा कोरोना भाइरस संक्रमण पुष्टि

गण्डकी प्रदेशमा थप ४१ जनामा कोरोना संक्रमण पुष्टि भएको छ ।

क्षयरोग उपचार केन्द्रमा गरिएको परिक्षणमा प्रदेशका दुई जिल्लामा गरि थप ४१ जनामा संक्रमण पुष्टि भएको हो ।

कास्कीमा थपिएका ३८ संक्रमित मध्ये ३६ जना पोखरा महानगरपालिकाका संक्रमित रहेको स्वास्थ्य निर्देशनालय गण्डकीले जानकारी दिएको छ ।

कास्कीको रुपा गाँउपालिकामा थप १ जना र मादी गाँउपालिकामा १ जनामा संक्रमण पुष्टि भएको छ ।

त्यस्तै लमजुङ जिल्लामा पनि थप ३ जनामा संक्रमण पुष्टि भएको छ । जिल्लाको सुन्दरबजारका ३ पुरुषमा संक्रमण देखिएको हो ।

योसँगै गण्डकी प्रदेशमा कोरोना संक्रमतिको संख्या ८ हजार ५ सय ८४ पुगेको छ ।

प्रदेशमा कोरोना संक्रमणबाट मृत्यु हुनेको संख्या ९६ पुगेको छ ।