पोखरामा कोरोना संक्रमणबाट एकै दिन थप ४ जनाको मृत्यु

पोखरामा कोरोना संक्रमणबाट थप ४ जनाको मृत्यु भएको छ ।

कोरोना संक्रमणबाट मृत्यु हुनेमा २९ दिनको बालक सहित ७५ बर्षिय बृद्ध सम्म रहेका छन् ।

मृत्यु हुनेमा पोखरा महानगरका ३ जना र बागलुङ घर भई पोखरामा उपचाररत १ जना सहित ४ जनाको कोरोना संक्रमणका कारण मृत्यु भएको गण्डकी प्रदेश स्वास्थ्य निर्देशक डा. विनोद विन्दु शर्माले जानकारी दिए।

पोखरा स्वास्थ्य विज्ञान प्रतिष्ठानमा उपचाररत पोखराका एक २९ दिने बालकको कोरोना संक्रमणबाट मृत्यु भएको छ।

४ दिन अघि कोरोना पुष्टि भएका बालकको उपचारका क्रममा आज मृत्यु भएको हो ।

त्यसै गरि पोखरा १० का ५७ वर्षीय पुरुषको समेत उपचरकाका क्रममा स्वास्थ्य विज्ञान प्रतिष्ठानमा मृत्यु भएको छ।

त्यसैगरी पोखरा १७ का ७५ वर्षीय पुरुषको शुक्रबार बिहान गण्डकी मेडिकल कलेजमा मृत्यु भएको छ भने बागलुङ जैमिनी ९ का २९ वर्षीय पुरुषको पोखरा स्वास्थ्य विज्ञान प्रतिष्ठानमा उपचारको क्रममा मृत्यु भएको स्वास्थ्य निर्देशनालयले जनाएको छ ।

यस संगै गण्डकी प्रदेशमा कोरोना संक्रमणबाट मृत्यु हुनेको संख्या १०० पुगेको छ ।