पोखरामा दुइसहित गण्डकी प्रदेशमा ३ जनाको कोरोना संक्रमणका कारण मृत्यु

पोखरामा दुइसहित गण्डकी प्रदेशमा ३ जनाको कोरोना संक्रमणका कारण मृत्यु भएको छ।

कोरोना संक्रमणबाट पोखराको फेवासिटी अस्पतालमा उपचाररत स्याङ्जाकी एक महिलाको मृत्यु भएको छ ।

गत कार्तिक १९ गते कोरोना संक्रमण पुष्टि भएकी स्याङ्जाको पुतलीबजार–८ की ७३ वर्षिया महिलाको शनिबार उपचारका क्रममा मृत्यु भएको स्वास्थ्य निर्देशनालय गण्डकीले पुष्टि गरेको छ ।

यसैगरी पोखराको चरक मेमोरियल हस्पिटलमा उपचाररत एक महिलाको कोरोनाबाट मृत्यु भएको छ ।

कोरोना सङ्क्रमण भई हस्पिटलमा उपचाररत पोखरा १७ की २९ वर्षीया महिलाको उपचारका क्रममा मृत्यु भएको स्वास्थ्य निर्देशक डा. विनोद विन्दु शर्माले जानकारी दिए /

त्यसै गरि नवलपुर गैंडाकोट १२ का ८२ वर्षीय कोरोना संक्रमित पुरुषको चितवन मेडिकल कलेजमा उपचारको क्रममा मृत्यु भएको निर्देशनालयले जनाएको छ

यस सँगै गण्डकी प्रदेशमा कोरोनाबाट मृत्यु हुनेको संख्या १ सय ३ पुगेको छ ।