कोरोना संक्रमण भयावह बन्दै ; विहानै थप १३ संक्रमितको मृत्यु

कोरोना संक्रमणले एकाविहानै मोरङमा नौसहित थप १३ संक्रमितको मृत्यु भएको छ ।

मृत्यु हुनेमा मोरङमा ९ बर्दियाका दुई, दाङका एक र चितवनका एक जना छन् ।मोरङमा मात्रै पछिल्लो १२ घण्टाभित्र नौ जनाको मृत्यु भएको छ ।

मोरङ १२ घण्टाभित्र मृत्यु भएका संक्रमितको यो संख्या अहिलेसम्मकै उच्च हो ।

मृत्यु भएकामध्ये सात पुरुष र दुई महिला छन् । विराटनगरको नोबेल शिक्षण अस्पतालमा पाँच कोरोना संक्रमितको मृत्यु भएको छ ।

यस्तै कोशी अस्पताल कोभिड–१९ उपचार केन्द्रमा दुई, न्युरो अस्पतालमा एक र होम आइसोलेसनमा एकको ज्यान गएको छ ।

बर्दियाको ठाकुरद्वारा नगरपालिकाका १ पुरुषको पनि नेपालगन्ज मेडिकल कलेज शिक्षण अस्पताल कोहलपुरमा मृत्यु भएको छ।

यस्तै बर्दियाकै बाँसगढी नगरपालिका- ८ का ३५ वर्षीय पुरुषको पनि वेस्टर्न अस्पताल नेपालगन्जमा मृत्यु भएको छ ।

यस्तै दाङको घोराही उपमहानगरपालिका–१५ का ६४ वर्षीय पुरुषको पनि भेरी अस्पताल नेपालगन्जमा मृत्यु भएको छ ।

यस्तै चितवनमा पनि एक संक्रमित वृद्धको मृत्यु भएको छ ।

नयाँ मेडिकल कलेजमा उपचाररत ७७ वर्षीय वृद्धको मृत्यु भएको हो ।