ढुङगा प्रहार गरि साथिको हत्या गरेको अभियोगमा एक पक्राउ

ढूङगाले टाउकोमा प्रहार गरि साथिको हत्या गरि फरार रहेका एक जनालाई जिल्ला प्रहरी कार्यालय कास्कीले पक्राउ गरेको छ।

पक्राउ पर्नेमा सिन्धुली जिल्लाको सुनकोशी गाउँपालिका-१ कुशेश्वर दुम्जा घर भई पोखराका विभिन्न स्थानहरुमा कवाडी संकलन गर्ने काम गर्दै आएका २३ वर्षिय प्रेम भन्ने नन्दलाल श्रेष्ठ रहेका छन् ।

श्रेष्ठले यहि कार्तिक २२ गते पोखरा बसुन्धारा पार्क स्थित दाङ जिल्लाको घोराही घर बताउने अन्दाजी वर्ष २५ का कृष्ण चौधरीलाई ढुङगाले टाउकोमा प्रहार गरि गम्भिर घाइते बनाएका थिए ।

तत्कालै घटनास्तलमा प्रहरी टोली खटिई घाइतेलाई उपचारको लागि पश्चिम क्षेत्रीय अस्पताल पोखरा पठाईएकोमा निजको उपचारको क्रममा मृत्यु भएको थियो ।

घटना पश्चात फरार रहेका श्रेष्ठलाई यहि कार्तिक २५ गते तनहुँ जिल्लाको आबुखैरेनी मार्क्यु सडक खण्डमा काठमाण्डौं जाँदै गरेको अवस्थामा प्रहरीले पक्राउ गरेको हो ।

घटनास्थलमा प्रहरीले रगत लागेको ढुङगा र रगत लागेको सेतो सर्ट समेत फेला पारेको थियो ।

पक्राउ परेका उनिमाथी मुद्दा दर्ता गरि घटनाका विषयमा थप अनुसन्धान भईरहेको छ ।