पोखरामा कोरोना संक्रमणबाट थप ४ जनाको मृत्यु

पोखरामा कोरोना संक्रमणबाट थप ४ जनाको मृत्यु भएको छ ।

स्वास्थ्य निर्देशनालय गण्डकीका अनुसार पोखरा महानगरपालिका २५ का ७० वर्षीय पुरुषको शुक्रबार गण्डकी मेडिकल कजेजमा मृत्यु भएको छ ।

त्यस्तै पोखरा २० का ८३ वर्षीय पुरुषको बिहिबार होम आइसोलेसनमा निधन भएको हो ।

पोखरा १४ की ६७ वर्षीया महिलाको पश्चिमाञ्चल क्षेत्रीय अस्पतालमा मृत्यु भएको हो । कात्तिक २१ गते कोरोना संक्रमण पुष्टि भएका थियो ।

कास्की पोखरा १५ की ५४ वर्षीया महिलाको बिहिबार पश्चिमाञ्चल क्षेत्रीय अस्पतालमा मृत्यु भएको हो । कात्तिक २६ गते कोरोना संक्रमण पुष्टि भएको थियो ।

योसहित गण्डकीमा कोरोनाबाट मृत्यु हुनेको संख्या १ सय १८ पुगेको छ ।