पोखरामा मानव बेचबिखनमा सम्लग्न भएको आरोपमा ३ जना पक्राउ

मानव बेचबिखन तथा ओसारपसारमा संलग्न भएको आरोपमा कास्की प्रहरीले तीन जनालाई पक्राउ गरेको छ ।

युवतीलाई बिदेशमा राम्रो काम लगाइदिने प्रलोभन देखाएर पोखरा ल्याई बेश्यावृत्तिमा सम्लग्न गराउने उदेश्यले घरको कोठामा पुर्याएको आरोपमा प्रहरीले तीन जनालाई प्रहरीले पक्राउ गरेको छ।

पक्राउ पर्नेमा कास्की मादी गाउँपालिका–१ खेलुङका २१ वर्षीय जीवन नेपाली, काभ्रेजिल्ला पाँचखल-४ तामाघाटका २६ वर्षीय आशिष भुजेल र पोखरा-४ बगालेटोल निवासी ३० वर्षीया अन्जु गुरुङ रहेका छन्।

लेकसाइड स्थित एक घरको कोठामा महिलालाई बन्दक बनाई रकमको मोलमोलाई गरिरहेको अवस्थामा पक्राउ गरिएको जिल्ला प्रहरी कार्यालय कास्कीका डिएसपी एवं प्रवक्ता सुवास हमालले जानकारी दिए ।

उनीहरुबिरुद्ध मानव बेचबिखन तथा ओसारपोसार सम्बन्धी कसुरमा म्याद थप गरी अनुसन्धान गरिरहेको डिएसपी हमालले बताए।