कोरोना भाइरस संक्रमणबाट दुई डाक्टरको मृत्यु

कोरोना भाइरस संक्रमणबाट वरिष्ठ मुटु रोग विशेषज्ञ प्रा. डा. सुनिल झा र डा. नारायणबहादुर थापाको मृत्यु भएको हो ।

झा त्रिवि चिकित्सा शास्त्र अध्ययन संस्थान आईओएमका प्राध्यापक समेत हुन् । उनको त्रिवि शिक्षण अस्पतालका उपचारका क्रममा सोमबार विहान मृत्यु भएको अस्पतालले जनाएको छ ।

कात्तिक दोस्रो साता कोरोना संक्रमण पुष्टि भएका उनलाई रेमडिसिभिरका साथै प्लाज्मा समेत दिइएको थियो ।

डा. थापा नेपाल बर्न सोसाइटी र इशान अस्पतालका अध्यक्ष हुन् ।

कोरोना संक्रमित उनको उपचारका क्रममा आइतबार राति मृत्यु भएको हो ।