पर्वतकी एक महिलाले शरीर जोडिएका दुई बच्चा जन्माइन्

प्रसूतीको लागि धौलागिरी अस्पताल पुगेकी पर्वतकी एक महिलाले शरीर जोडिएका दुई बच्चालाई जन्म दिएकी छन् ।

पर्वतको फलेवास नगरपालिका वडा नं.२ कुर्घाकी २८ वर्षिया महिलाले धौलागिरी अस्पतालमा मंगलबार बिहान शरीर जोडिएका बच्चालाई जन्म दिएकी हुन् ।

प्रसूती व्यथा लागेपछि महाशिला गाउँपालिकाको लुंखुदेउरालीमा रहेको प्राथमिक स्वास्थ्य केन्द्र पुगेकी ती महिलालाई पर्वत अस्पताल पठाईएको थियो ।

पर्वत अस्पताल कुश्माले समेत अवस्था गम्भिर रहेको भन्दै उनलाई धौलागिरी अस्पताल बागलुङमा पठाएको थियो ।

शल्यक्रियाका लागि चिकित्सकहरुका बिचमा छलफल चलिरहेकै बेला उनले बच्चाहरु जन्माएकी हुन् ।

शरीर जोडिएर जन्मिएका बच्चालाई बचाउन नसकिएको र आमाको स्वास्थ्य अवस्था भने सामान्य रहेको अस्पतालले जनाएको छ ।