कोरोना संक्रमणबाट सशस्त्र प्रहरी बलका इन्स्पेक्टरको मृत्यु

कोरोनाबाट सशस्त्र प्रहरी बलका प्रहरी निरीक्षक(इन्स्पेक्टर) को मृत्यु भएको छ ।

सशस्त्र प्रहरी बल १ नम्बर गण विराटनगरमा कार्यरत नवीन बुढाथोकीको सोमबार राति मृत्यु भएको उहाँका सहकर्मी सशस्त्रका प्रहरी निरीक्षक ईश्वर कोइरालाले जानकारी दिए।

कोइरालाका अनुसार बुढाथोकीलाई १४ दिन पहिले कोरोना संक्रकम देखिएको थियो । त्यसपछि विराटनगरस्थि विराट नर्सिङ होममा उपचा भइरहेको थियो ।

उनलाई कोराना संक्रमणदेखिएपछि एकसाता आइसीयूमा राखेर उपचार गरिएको थियो ।

स्वास्थ्यमा थप समस्या देखिएपछि भेन्टिलेटरमा राखिएको थियो । सोमबार राति करिब सबा ११ बजे उहाँको मृत्यु भएको कोइराराले जानकारी दिए।

स्थायी घर तेह्रथुम रहेका बुढाथोकी ३४ वर्षका थिए। यसअघि उहाँमा अन्य कुनै स्वास्थ्य समस्या नरहेको बूढाथोकीका सहब्याजी समेत रहनुभएका इन्स्पेक्टर कोइरालाले बताए ।