तनहुँमा बस दुर्घटना हुँदा १७ जना घाइते

तनहुँको आँबुखैरेनीमा बस दुर्घटना हुँदा १७ जना घाइते भएका छन्।

बेनीबाट भैरहवातर्फ जाँदै गरेको लु २ ख ८८३ नम्बरको बस बिहीबार दिउँसो पौने १ बजे आँबुखैरेनी गाउँपालिका-३ खहरेस्थित पृथ्वी राजमार्गमा दुर्घटना भएको हो।

बसले विपरीत दिशातर्फ जाँदै गरेको ना ३२ प ५२५४ नम्बरको स्कुटरलाई पनि ठक्कर दिएको थियो।

ठक्करबाट स्कुटरमा रहेका एक बच्चासहित तीन जना घाइते छन्।

बसमा १७ जना थिए। त्यसमध्ये चालक र सहचालकसहित १४ जना घाइते छन् / स्कुटरमा रहेका तीन जना गरी कुल १७ जना घाइते छन्।

घाइतेहरूको आँबुखैरेनीस्थित अस्पतालमा उपचार गरिएको छ। केही घाइतेलाई थप उपचारका लागि भरतपुर पोखरा पठाइएको प्रहरीले बताएको छ।