पोखरामा कोरोना भाइरस संक्रमणबाट थप २ जनको मृत्यु

पोखरामा कोरोना भाइरस संक्रमणबाट थप २ जनको मृत्यु भएको छ ।

दुवै जनाको अस्पतालमा उपचारका क्रममा मृत्यु भएको हो ।

पोखरा महानगरपालिका वडा नम्बर २ का ५९ वर्षीय पुरुषको उपचारका क्रममा चरक मेमोरियल अस्पताल पोखरामा मृत्यु भएको हो ।

उनलाई मंसिर ५ गते कोरोना भाइरस संक्रमण पुष्टि भएको थियो ।

यस्तै पोखरा ३३ की ६६ वर्षीय संक्रमित महिलाको पोखरा स्वास्थ्य विज्ञान प्रतिष्ठानमा उपचारका क्रममा आज ज्यान गएको छ।

उनलाई मंसिर ५ गते कोरोना भाइरस संक्रमण पुष्टि भएको थियो ।

योसंगै गण्डकी प्रदेशमा कोरोना संक्रमणबाट ज्यान गुमाउनेको कुल संख्या १ सय ४६ पुगेको छ ।

गण्डकी प्रदेशमा कोरोना भाइरस संक्रमितको कुल संख्या ११ हजार ५ सय ५६ पुगेको छ ।