गण्डकीमा एकै दिन १ सय ६२ जनाले जिते कोरोना संक्रमण

गण्डकी प्रदेशमा सोमबार एकै दिन १६२ जनाले कोरोना संक्रमण जितेका छन्।

सोमबार गण्डकीमा कोरोना ९१ जना नयाँ संक्रमित थपिएका छन भने झण्डै दोब्बरले संक्रमण जितेका हुन् ।

गण्डकी प्रदेश स्वास्थ्य निर्देशनालयका अनुसार प्रदेशमा कुल कोरोना संक्रमितको संख्या १२ हजार ५८ पुगेको छ । त्यसमध्ये हालसम्म ७ हजार ७२ जना निको भएर घर फर्किएका छन् ।

प्रदेशमा हाल ४ हजार ८ सय २७ वटा सकृय केस रहेका छन् ।

गण्डकी प्रदेशमा पछिल्लो २४ घण्टामा ५ जनाको कोरोनाले मृत्यू भएको छ । योसँग प्रदेशमा कोरोनाले मृत्यू हुनेको संख्या १५९ पुगेको छ ।