पोखरामा उपचारका क्रममा एक सुत्केरी महिलाको मृत्यु

पोखरामा उपचारका क्रममा एक सुत्केरी महिलाको मृत्यु भएको छ।

श्वासप्रश्वासमा समस्या भएपछि म्याग्दीबाट पोखरा स्वास्थ्य विज्ञान प्रतिष्ठन पुर्याइएकी मालिको सुत्केरीको मृत्यु भएको हो ।

म्याग्दीको गाउँपालिका ५ देविस्थान घर भएकी महिलाको बेनी अस्पतालमा जाँच गराएपछि अस्पतालले अक्सिजनको मात्र ह्वात्तै घटेको भन्दै अक्सिजन दिएर थप उपचारका लागि पोखरा रिफर गरिएको थियो।

पोखरो ल्याएर अस्पताल भर्ना गरिएकी २२ वर्षीया मुना पुन बुढाथोकीको सोमबार दिउँसो मृत्यु भएको हो ।

उनमा कोरोना संक्रमण आशंका गरिएको र मृत्युपछि स्वाब संकलन गरी पीसीआर परीक्षण गर्न लागिएको छ ।

गत कात्तिक ६ गते पोखराको गण्डकी अस्पतालमा शल्यक्रिया गरी सुत्केरी गराइएकी बुढाथोकी १५ दिनपछि रिफर भइ घर आएकी थिईन ।

श्वासप्रश्वासमा समस्या भएपछि आइतबार राति प्राथमिक स्वास्थ्य केन्द्र दरबाङ पुर्याइएकी बुढाथोकीलाई बेनी अस्पताल हुदै पोखरा ल्याइएको थियो ।