बक्यौता रकम माग गर्दै उखु किसानले फेरि थाले काठमाडौँमा आन्दोलन

विभिन्न चिनी उद्योगले बक्यौता रकम नदिएपछि आन्दोलन गर्न काठमाडौं आएका उखु किसानले माइतीघर मण्डलामा धर्ना दिएका छन् ।

चिनी उद्योगले झण्डै ९० करोड बक्यौता रकम भुक्तानी नदिएपछि आन्दोलन गर्न काठमाडौं आएका किसानहरुले माइतीघरमा धर्ना तथा रिले अनसन सुरु गरेका हुन् ।

गत वर्ष पुष १८ गते उद्योग वाणिज्य तथा आपूर्ति मन्त्रालयले एक महिनाभित्रै चिनी उद्योगीहरूबाट किसानहरूलाई भुक्तानी दिलाइदिने सहमति गरेको थियो।

तर उक्त सहमतिको झण्डै एक वर्ष भइसक्दा पनि कार्यान्वयन नभएपछि उखु किसानहरु पुन काठमाडौं आएर आन्दोलन थालेका हुन् ।