निजी प्रयोगशालालाई काेराेना परीक्षण गर्न रोक

सरकारले निजी प्रयोगशालामा काेराेना संक्रमण भए नभएकाे पत्ता लगाउन गरिने पिसिआर परीक्षण गर्न निजी प्रयोगशालालाई रोक लगाएको छ।

स्वास्थ्य मन्त्रालयले काेराेना संक्रमणसम्बन्धी जानकारी दिन आयाेजना गरेको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले काेराेना परीक्षण सरकारी प्रयाेगशालामा मात्र हुने जानकारी दिए ।

यसैगरी कोरोना संक्रमितको संख्या घट्दै गएपछि स्वास्थ्य तथा जनसंख्या मन्त्रालयले मेडिकल कलेजबाहेकका सबै निजी अस्पताललाई कोभिड अस्पतालको सूचीबाट हटाएको छ ।

यसअघि कोभिड अस्पतालको सूचीमा रहेका निजी अस्पतालहरूले आजसम्म भर्ना भएर उपचार गराएका कोरोना संक्रमितको उपचार खर्च मात्र शाेधभर्ना गर्ने निर्णय गरेको गौतमले जानकारी दिए ।

अब कोरोना संक्रमितको उपचार सरकारी अस्पताल तथा मेडिकल कलेजहरूबाट मात्र हुने छ ।