कास्कीका तीन वटै निर्वाचन क्षेत्रमा कांग्रेसको विरोध प्रदर्शन

प्रतिनिधिसभा विघटन गरिएको विरोधमा कास्कीमा नेपाली कांग्रेसले तीन वटै निर्वाचन क्षेत्रमा विरोध प्रदर्शन गरेको छ ।

कास्कीको निर्वाचन क्षेत्र २ मा पोखराका सभागृहबाट विरोध जुलुस सुरु भइ सिमलचौरमा आएर कोण सभामा परिणत भएको थियो ।

कास्की क्षेत्र १ को अर्घाैंचोक, क्षेत्र २ को सभागृहचोक, क्षेत्र ३ को पोखरा जिरो किलोमिटर तथा हरिचोकबाट प्रदर्शन शुरु गरिएको थियो ।

क्षेत्र १ को तालचोकमा, २ को सिमलचौरमा र ३ को बागलुङ बसपार्कमा विरोध सभा भएको थियो ।

सभालाई सम्बोधन गर्दै स्थानीय नेताहरुले प्रधानमन्त्री केपी शर्मा ओलीले प्रतिनिधिसभा विघटन गरेर निरंकुश बनेको आरोप लगाए ।