पोखरा उद्योग वाणिज्य संघमा सुवेदीको प्यानल घोषणा

पोखरा उद्योग वाणिज्य संघको अध्यक्षको उम्मेदवार विन्दु कोईराला सुवेदीलेपनि प्यानल घोषणा गरेकी छन् ।

उद्योग तर्फकी उपाध्यक्ष सुवेदीले बुधबार पोखरामा पत्रकार सम्मेलन गरी अध्यक्षमा आफ्नो उमेदवारीसहित प्यानल घोषणा गरेकी हुन् ।

यसअघी बरिष्ठ उपाध्यक्ष नारायण कोईरालाले अध्यक्षमा आफूसहित प्यानल घोषणा गरिसकेका छन् ।

विन्दु प्यानलको वाणिज्यतर्फको उपाध्यक्षमा सोवित पौडेल, महासचिवमा धनीराम बराल, कोषाध्यक्षमा तारानाथ ढुंगाना, उपमहासचिवमा धर्मराज बर्तौला रहेका छन् ।

यस प्यानलबाट बरिष्ठ उपाध्यक्ष र उद्योग तर्फको उपाध्यक्षमा उमेदवारी दिइएको छैन ।

विन्दु प्यानलबाट सदस्यमा पवित्रा गुरुङ, विनोद केसी, रामप्रसाद गौतम, उत्तम सेवक कार्कीले उमेदवारी दिएका छन् ।

१० खुल्ला सदस्यमा ४ जनाको मात्रै उमेदवारी रहेको छ भने वस्तुगत र एशोसियट सदस्यतर्फ भने यो प्यानलबाट उमेदवारी घोषणा भएको छैन ।

अध्यक्षमा उमेदवारी दिएकी सुवेदीले १४ वर्ष संघमा बिताईसकेकी छन् । उनी कार्यकारिणी सदस्य, उपाध्यक्षहुँदै अध्यक्षको प्रत्यासी बनेकी हुन् ।