मुक्तिनाथ विकास बैंकको १५ औं वार्षिकोत्सव

मुक्तिनाथ विकास बैंक स्थापनाको १५ औं वर्षमा प्रवेश गरेको छ ।

संस्था स्थापनाको दिन पारेर क्षेत्रीय तथा शाखा कार्यालयहरूमा विभिन्न सामाजिक उत्तरदायित्वसम्बन्धी कार्यक्रम सम्पन्न गरिएको जानकारी बैंकले दिएको छ ।

वार्षिकोत्सव अवसरमा विभिन्न स्थानमा रहेका ६ अनाथालय तथा वृद्धाश्रममा खाद्यान्न तथा लत्ताकपडा वितरण, इन्टरनेट जडान गर्न तथा कम्प्युटर खरिद गर्न आर्थिक सहयोग, डस्बिन वितरण, एम्बुलेन्स मर्मत सम्भार खर्च, पिउने पानी शुद्धीकरण मेसिन हस्तान्तरण, गराइएको बैंकले बताएको छ ।

यस्तै, काठमाडौं महानगरपालिका वडा–१, महानगरीय प्रहरी वृत्त (सामुदायिक शाखा) कमलपोखरी अगाडिको सडक पेटी बाहेकको खाली चौरमा वातावरण मैत्री हरित बगैंचा निर्माणमा बैंकले सहयोग गरेको छ ।

बैंकले कोरोनाको महामारीको विषम परिस्थितिमा डिजिटल बैंकिङ प्रणालीलाई प्रोत्साहन गर्न भिसा कन्ट्याक्टलेस डेबिट कार्ड संचालनमा ल्याएको छ ।

यसैगरी भिसा नेटवर्कअन्तर्गत जुनसुकै बैंकका एटिएमबाट बिना कुनै शुल्क रकम झिक्न सकिने व्यवस्था रहेको बैंकले बताएको छ ।