पूर्वप्रधानन्यायाधीलाई नधम्क्याउन प्रधानमन्त्री ओलीलाई दाहाल–नेपाल समूहले दिए चेतावनी

प्रतिनिधिसभा विघटनबारे अभिव्यक्ति दिएका पूर्वप्रधानन्यायाधीहरुलाई नधम्क्याउन प्रधानमन्त्री केपी शर्मा ओलीलाई नेकपाको दाहाल–नेपाल समूहले चेतावनी दिएको छ।

दाहाल–नेपाल समूहको नेकपाको आइतबार बसेको सचिवालय बैठकले आम नागरिकको हैसियतमा बोलेका पूर्वप्रधानन्यायाधीहरुलाई प्रधानमन्त्रीले सार्वजनिक मन्तव्यमार्फत् धम्की दिएको भन्दै यस्तो कार्य तत्काल रोक्न चेतावनी दिएका हुन्।

पूर्वप्रधानन्यायाधीशहरुले बोल्दा प्रधानमन्त्रीले ओलीले अपमानित गर्ने र धम्क्याउने काम गरेको भन्दै आपत्ति जनाएको र त्यसको भर्त्सना गरेको बैठकपछि प्रवक्ता नारायणकाजी श्रेष्ठले बताए।

प्रतिनिधिसभा विघटनका विषयमा पूर्वप्रधानन्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीले शुक्रबार वक्तव्य जारी गर्दै असंवैधानिक कदम भएको बताएका थिए।