पोखराको फेवातालमा एक युवा मृत भेटिए

पिकनिक खान गएदेखि हराएका एक युवा मृत भेटिएका छन् ।

एक हप्ता अगाडि पोखरा २२ पुम्दीभुम्दीको चिहानडाँडामा पिकनिक खान गएदेखि घर नफर्केका पुम्दीभम्दीका सन्तोष परियारको शव फेवातालमा तैरेको अवस्थामा फेला परेको प्रहरीले जनाएको छ ।

पुम्दीभुम्दीको चिहानडाँडामा पिकनिक खान १०।११ जना व्यक्ति गएकोमा अबेर रातिसम्म परियार नर्फके पछि प्रहरीलाई खबर गरिएको थियो ।

खोजतलास गर्ने क्रममा पिकनिक खान गएको ठाँउबाट ३ सय मिटर पश्चिमतर्फ फेवातालमा बुधबार बिहान शव फेला पारेको प्रहरीले जनाएको छ ।

घटनाका बारेमा थप अनुसन्धान भइरहेको गण्डकी प्रदेश प्रहरी कार्यालयका प्रहरी नायव उपरिक्षक राजेन्द्रबाबु रेग्मीले जानकारी दिए ।