पोखरामा प्याराग्लाइडिङ दुर्घटनामा सैनिक जवानको मृत्यु

पोखरामा प्याराग्लाइडिङ दुर्घटनामा परी एक जनाको मृत्यु भएको छ ।

सोमबार दिउसो अभ्यासका क्रममा नेपाली सेनाका जवानले उडाएको प्याराग्लाइडिङ दुर्घटना हुदा धादिङ घर भएका राजाराम मगरको मृत्यु भएको हो ।

प्याराग्लाइडिङ दुर्घटनामा धादिङ घर भई पोखरा कालिजङ्ग गणमा कार्यरत २३ वर्षीय राजाराम मगरको मृत्यु भएको जिल्ला प्रहरी कार्यलय कास्कीका प्रहरी प्रवक्ता एवं डिएसपी सुबास हमालले जानकारी दिए ।

नेपाली सेनाको प्याराग्लाइडिङको नियमित प्रशिक्षणका क्रममा मगरले एसआइभी गर्ने बेलामा प्याराग्लाइडिङ दुर्घटना भएको उनले बताए ।

दुर्घटनामा गम्भीर घाइते भएका मगरलााई उपचारकालागि पोखरा ११ रानीपौवास्थित सैनिक अस्पतालमा लगिएकोमा त्यही उपचारको क्रममा साँझ निधन भएको डिएसपी हमालले बताए ।