विरौटा क्लवद्धारा रक्तदान,२६ युनिट रगत संकलन

कोभिड–१९ को संक्रमण बृद्धि र चिसो मौसमका कारण पोखरामा रक्तदान कार्यक्रम कम भईरहेका बेला बिरौटा क्लवले रक्तदान कार्यक्रमको आयोजना गरेको छ ।

वातावारण र समाज सेवाका क्षेत्रमा कार्य गर्दै आएको क्लवले आफ्नो बार्षिक कार्यतालिका अनुसार शनिवार विरौंटामा आयोजना गरेको रक्तदानमा २६ युनिट रगत संकलन भएको छ ।

रक्तदान कार्यक्रमका प्रमुख अतिथि पोखरा महानगरपालिका वडा नं.१७ का अध्यक्ष तिर्थराज अधिकारीले पहिलो रक्तदाता कल्याण गिरी र खिमराज आचार्यलाई ब्लड ब्याग हस्तान्तरण गरेर कार्यक्रम शुभारम्भ गरेका थिए ।

अध्यक्ष अधिकारीले क्लवले समाज सेवाका क्षेत्रमा विगत लामो समयदेखि निरन्तर कार्य गर्दे आएको बताए । उनले कोभिड–१९ को संक्रमण बृद्धिभएपछि विभिन्न संघसस्थाले रक्तदान कार्यक्रम रोक्दा रगत अभाब भएको अवस्थामा क्लवले सर्वसाधारणको जीवन बचाउन रक्तदान कार्यक्रमको आयोजना गरेकोमा प्रसांसा गरे ।

अध्यक्ष अधिकारीले क्लवसंग सामाजिक कार्यका लागि सहकार्य गर्न वडा कार्यलय सधैं तयार गरेको बताए ।

क्लवको बार्षिक कार्यतालिका अनुसार रक्तदान कार्यक्रमको आयोजना गरिएको क्लवका उपाध्यक्ष एवं कार्यक्रमका संयोजक पवित्रमणी पोखरेलले बताए। उनले कोरोना संक्रमणका कारण रक्तदान कार्यक्रममा कमीहुदा पोखरामा रतगको अभाब भइरहेको अवस्थालाई मध्यनजगर्दै क्लवले रक्तदान कार्यक्रमको आयोजना गरेको बताए ।

कार्यक्रमा २६ युनिट रगत संकलन भएको संयोजक पोखरेलले जानकारी दिए ।कार्यक्रममा पोखरा पर्यटन परिषद्का निवर्तमान अध्यक्ष चिरन्जिवी पोखरेल, क्लका पुर्व अध्यक्ष ऋषबलाल तिमिला, कालिदास पौडेल, सल्लाहकार अर्जुन पोखरेल र सुस्मा पौडेल लगायतले शुभकामना मन्तब्य ब्याक्त गरेका थिए ।

क्लवका अध्यक्षता डिआर भट्टराईको अध्यक्षतामा भएको कार्यक्रमको संचालन सचिब शोभकान्त पौडेलले गरेका थिए ।