चितुवाको आक्रमणबाट बालकको मृत्यु

तनहुँमा मंगलबार अपराह्न चितुवाको आक्रमणबाट एक बालकको मृत्यु भएको छ ।

अपराह्न पौने ५ बजेको समयमा बन्दीपुर गाउँपालिका वडा नम्बर १ स्थित वडीस्वारा बस्ने प्रेम बागाले मगरका छोरा ४ वर्षीय सुप्रीमको मृत्यु भएको हो ।

घर आँगनमा खेलिरहेको अवस्थामा उनलाई चितुवाले आक्रमण गरी लगेको प्रहरीले जनाएको छ ।

इलाका प्रहरी कार्यालय बन्दीपुरबाट खटिएको प्रहरी टोलीले स्थानीयहरु समेतको सहयोगमा खोजी गर्दा बालकलाई घरदेखि २०० मिटर टाढा छपेली सामुदायीक वन मृत अवस्थामा फेला पारेको जनाएको छ ।