पोखरामा श्रावण १७ र १८ गते ‘शास्त्रीय संगीत महोत्सव’ हुने

पोखरामा श्रावण १७ र १८ गते ‘शास्त्रीय संगीत महोत्सव’ हुने भएको छ ।

सनातन कला साहित्य कुञ्ज काठमाडौंको आयोजनामा पोखरामा उक्त कार्यक्रम हुने भएको हो ।

कार्यक्रममा वरिष्ठ सितार वादक प्रा.डा.ध्रवेश चन्द्र रेग्मी, वरिष्ठ कत्थक नृत्यकार कृष्ण प्रसाद पौडेल, कत्थक नृत्याङ्गना श्रुती काफ्ले,तबला वादक जगन्नाथ धगौडा, ध्रुपद गायक कुन्दन पाठक, बासुरी वादक उमेश पण्डित, पखावज वादक मुकेश शाक्य, तबला वादक निमेश कपालीको प्रस्तुती रहने संस्थाका संस्थापक अध्यक्ष उत्तम रिमालले जानकारी गराए ।

उनका अनुसार पहिलो दिनको कार्यक्रम पोखरा सभागृहमा साँझ ५ बजे हुनेछ । दोस्रो दिन विन्ध्यावासिनाी धार्मिक क्षेत्र विकास समितिको सभाहलमा आयोजना गरिनेछ ।

शास्त्रीय संगीतको उन्नयनका लागि आफुले उक्त कार्यक्रमको आयोजना गर्दै आएको उनले बताए । रिमालले यसअघि काठमाडौंमा मात्रै शास्त्रीय संगीतकै ३५ वटा कार्यक्रम सम्पन्न गरिसकेका छन् भने काठमाडौं भन्दा बाहिर हेटौंडामा उनले कार्यक्रम सम्पन्न गरेका छन् ।

‘शास्त्रीय संगीतको महत्व बुझाउने उद्देश्य स्वरुप कार्यक्रमको आयोजना गरिएको हो । हामी पहिले काठमाडौं केन्द्रित मात्रै कार्यक्रम गथ्र्यौं । अब प्रदेश स्तरमा नै उक्त कार्यक्रमको आयोजना गर्दैछौं । हाम्रो क्षेत्र विशाल हुँदैछ ।’, उनले भने ।