पाल्पामा भएको बस दुर्घटनामा एक महिलाको मृत्यु, ३४ घाइते, ३ को अवस्था गम्भीर

पाल्पामा भएको बस दुर्घटनामा एक महिलाको मृत्यु भएको छ।

गम्भीर घाइते भएकी महिलाको उपचारका लागि पठाइएकोमा अस्पतालले मृत घोषणा गरेको हो।

बसमा सवार ३४ जना घाइते भएको र उनीहरुमध्ये ३ जनाको अवस्था गम्भीर रहेको पाल्पाका डीएसपी वीरेन्द्र थापाले बताए।

बुटवलबाट बाग्लुङ हुँदै बुर्तिबाङ तर्फ हिँडेको लु १ ख ५९५६ नम्बरको बस सिद्धार्थ राजमार्गअन्तर्गत तिनाउ गाउँपालिका–५ जोरधारा नजिकै दुर्घटना भएको हो।

अहिले उद्धारको काम भइरहेको प्रहरीले जनाएको छ।