निगमका कर्मचारीका लापरवाहीले मलेसिया उडेका यात्रुको ब्यागेज काठमाण्डौंमै

नेपाल वायुसेवा निगमका कर्मचारीका लापरवाहीका कारण मलेसिया उडेका यात्रुहरुको ब्यागेज काठमाण्डौंमै छुटेको छ ।

विमानस्थलमा कार्यरत निगमका कर्मचारीले ब्यागेजहरु लोड नगरी थन्काएका कारण मलेशियन एयरलाइन्समार्फत मलेसिया उडेका यात्रुहरुको ब्यागेज काठमाडौंमा छुटेको पाइएको हो ।

त्रिभुवन अन्तर्राष्ट्रिय विमानस्थलनमा ग्राउन्ड ह्यान्डलिङको जिम्मा लिएको नेपाल एयरलाइन्सले नै ब्यागेजहरुको ढुवानी र व्यवस्थापनको जिम्मा लिएको भएपनि यात्रुको ब्यागेज एयरलायन्समा लोड नगरिको भेटिएको हो ।

आइतबार राति राति २३ः३० बजेको समयमा मलेसिया उडेको मलेसियन एयरलाइन्सको उडान नम्बर एमएच११५ (केटीएम–केयूएल) मा लोड हुनुपर्ने यात्रुहरुको ८ सय केजीको ब्यागेजहरु छुटेको हो ।

पछिल्लो समय पर्यटन तथा नागरिक उड्ययनमन्त्री बनेका शुदन किराँतीलाइ असफल बनाउन प्राधिकरणकै कर्मचारी लागेको देखिन्छ । मन्त्री किराँतीले आपूm मातहतको प्राधिकरणलाइ सुधार गर्नका लागि शुरुदेखिनै प्रयास गरेपनि भ्रष्ट कर्मचारीहरुले भने रुचाएका छैनन ।

निगमले यात्रुहरुको ब्यागेज भुलबस छुट्न पुगेको भन्दै निगमले सार्वजनिक रुपमा माफी समेत मागेको छ । निगमले यात्रुको ब्यागेज छुटेको प्रति माफी माग्दै सोमबार १ः०५ बजेको उडानमार्फत मलेसिया पठाइसकिकएको जनाएको छ ।