सामुदायीक वनमा युवकको टाउको रुखमा र शरीर भुँईमा सडेको अवस्थामा भेटियो शव

सामुदायिक जंगलमा एक पुरुषको शव भेटिएको छ।

अन्दाजी ४०/४५ वर्षको पुरुषको शव झुण्डिएको अवस्थामा भक्तपुरको चाँगुनारायण नगरपालिका–५ खरिपाटीस्थित सेतीदेबी सामुदायिक जंगलमा भेटिएको हो।

हरियो डोरीको पासोमा ती पुरुषको टाउको रुखमा झुण्डिएको अवस्थामा भेटिएको भक्तपुरका एसपी प्रजित केसीले जानकारी दिए ।

शरीरको भाग भने सडेको अवस्थामा भुँईमा भेटिएको छ। घाँटीको भाग सडेर चुडिएपछि भुँईमा खसेको हुनसक्ने आशंका गरिएको छ।