सर्वाेच्च अदालतले दियो पोखरा १८ मा पुनः मतगणना नगर्न आदेश

सर्वाेच्च अदालतले पोखरा महानगरपालिका वडा नम्बर १८ को वडाध्यक्षको मत गणना पुनः गर्ने उच्च अदालत पोखराको फैसला तत्काल कार्यान्वयन नगर्न सर्वोच्च अदालतले अल्पकालीन अन्तरिम आदेश जारी गरेको छ ।

शुक्रबार न्यायाधीश प्रकाशकुमार ढुंगाना र नहकुल सुवेदीको इजलासले उच्च अदालत पोखराले गत चैत २१ मा वडाध्यक्ष पदको निर्वाचनको मत पुनः मत गणना गर्न आदेश दिएकोमा सर्वोच्चले अल्पकालीन अन्तरिम आदेश जारीगर्दै उच्च अदालत पोखराको फैसला नमिलेको ठहर गरेको हो ।

उक्त वडाको वडाध्यक्षमा एमाले उम्मेदवार पुस्कलबहादुर थापालाई हराउँदै कांग्रेसका शिवप्रसाद तिमिल्सिना ३ मतले विजयी भएका थिए ।

थापाले आफू ९ मतले आफु विजयी भएपनि हराएर विपक्षिलाइ बिजयी घोषणा गरिएको भन्दै पुनः मतगणनाको माग राखेर गत जेठ १८ गते उच्च अदालतमा निवेदन दिएका थिए ।

सो वडामा कांग्रेसका शिवप्रसाद तिमल्निाले १ हजार ६४३ मत पाएर विजयी घोषित हुँदा एमालेका थापाले १ हजार ६४० मत पाएका थिए ।

प्राविधिक त्रुर्टीबस यस अघि प्रकाशित समाचारमा अन्यथा भएकाले सच्याईएको छ । स .