भारतबाट घटेर आयो इन्धनको मूल्य, ग्यासमा ३४८ रुपैयाँ घट्यो

भारतीय आयल कर्पोरेसन (आईओसी)ले इन्धनको मूल्य घटाएर पठाएको छ।

सोमबार आईओसीले पठाएको नयाँ सूचीअनुसार पेट्रोल प्रतिलिटर ४ रूपैयाँ ३७ पैसा, डिजेल ४ रूपैयाँ १६ पैसा र मट्टितेल ३ रूपैयाँ ४८ पैसा घटेर आएको हो।

त्यस्तै, खाना पकाउने एलपी ग्यासमा प्रतिसिलिन्डर ३ सय ९ रूपैयाँ घटेर आएको नेपाल आयल निगमले जनाएको छ।

ग्यासको मूल्य घटेर आए पनि निगम अझै प्रतिसिलिन्डर २ सय १८ रुपैयाँ घाटामा रहेको निगमका कार्यकारी निर्देशक उमेश थानीले बताए।

हाल उपभोक्ताले पेट्रोल प्रतिलिटर १७५, डिजेल १६५, ग्यास १८ सय रूपैयाँ तिर्दै आएका छन्।