पिकअप गाडी दुर्घटना हुँदा २ जनाको मृत्यु

सवारी दुर्घटना हुँदा दुई जनाको मृत्यु भएको छ ।

मोरङको लेटाङ नगरपालिका– ७ भिरिङखामा बुधबार साँझ पिकअप गाडी दुर्घटना हुँदा चालकसहित २ जनाको मृत्यु भएको छ ।

मृतकमध्ये १ जना वृद्ध पुरुष छन् । दुर्घटनामा १ जना गम्भीर घाइते भएका छन् । घाइतेको धरानमा उपचार भइरहेको छ ।

भित्री सडकखण्ड हुँदै उत्तरबाट दक्षिणतर्फ आइरहेको प्रदेश १–०२–००१ ज ३९५३ नम्बरको पिकअप दुर्घटनामा परेको प्रहरीले जनाएको छ ।