पक्राउ पुर्जी जारी भएपछि बेपत्ता भएका रायमाझी पोखरामा भएको अनुमान, खोजी गर्दै प्रहरी

भुटानी शरणार्थी प्रकरणमा मुछिएका पूर्व उपप्रधानमन्त्री टोपबहादुर रायमाझीको मोवाइल ट्रयाकिङमा लोकेसन पोखरामा देखिएपछि प्रहरीले खोजी शुरु गरेको छ ।

उनलाइ पक्राउ गर्न प्रहरीले अदालतबाट पक्राउ पुर्जी लिएर खोजी थालेपछि रायमाझी अर्घाखाँचीबाट फर्किने क्रममा बुटवलबाट सम्पर्कविहीन भएका थिए ।

उनी पोखरा आसपासमा रहेको सूचना पाएसंगै शुक्रबार रातभर प्रहरीले सम्बन्धित स्थानमा खोजी गरेपनि सम्भावित ठाउँमा नभेटिएको कास्की प्रहरीले जनाएको छ ।

रायमाझी पोखरामै रहेको सूचना पाएर छौं खोजी गरिरहेपनि नभेटिएको जिल्ला प्रहरी कार्यलय कास्कीका प्रहरी प्रमुख एसपी अजय केसीले बताए ।