पोर्चुगलमा एक नेपाली युवकको मृत्यु

पोर्चुगलमा एक नेपाली युवकको मृत्यु भएको छ।

वैदेशिक रोजगारीको सिलसिलामा आठ महिनाअघि पुगेका बाँकेको खजुरा गाउँपालिका–१ चन्द्रनगरका ३३ वर्षीय गणेशमान साराङकोटीको गत शुक्रबार सुतेकै अवस्थामा निधन भएको हो।

साराङकोटीको पोर्तीमाउस्थित आफ्नै कोठामा सुतेकै अवस्थामा निधन भएको हो। बिहीबार राति कामबाट आएर सुतेका उनी शुक्रबार बिहान ओछ्यानमै मृतावस्थामा भेटिएको गैरआवासीय नेपाली सङ्घ पोर्चुगलले जनाएको छ ।

उनी साराङकोटी पोर्तीमाउस्थित एक होटलमा काम गर्थे। आठ वर्षदेखि घर नगएका उनी रोजगारीकै सिलसिलामा दुबई–माल्टा हुँदै आठ महिनाअघि पोर्चुगल आएका थिए।