पोखरामा मोटरसाइकल दुर्घटना हुदाँ एक जनाको मृत्यु, एक घाईतेको उपचार हुदै

पोखरामा मोटरसाइकल दुर्घटना हुदाँ एक जनाको मृत्यु भएको छ ।

सोमबार राति करिब १ बजे पोखरा महानगरपालिका ६ हल्नचोकबाट गैहाको चौतारा तर्फ जादै गर्दा खहरेचोकमा विजुलीको पोलमा ठोकिएर दुर्घटना हुदाँ काठमाडौंका सफल खतिवडाको मृत्यु भएको हो ।

ग २४ प ३१० नम्बरको मोटरसाइकल आफै अनियन्त्रित भई दुर्घटना हुदाँ मोटरसाइकलमा सवार काठमाडौं कपनका १८ बर्षिय खतिवडाको उपचारका क्रममा मृत्यु भएको जिल्ला प्रहरी कार्यालय कास्कीले जनाएको छ ।

मोटरसाइकल चालक तनहुँ म्याग्दे गाउँपालिका वडा नंम्बर ४ थर्पुका १७ बर्षिय संगम बानियाँ घाइते भएका छन् । उनको टाउको र घाटीमा चोट लागेको छ ।

उनको पोखराको मेट्रोसिटी अस्पताल उपचार भइरहेको छ ।