जिप दुर्घटनामा ३ जनाको मृत्यु, घाईते १२ जनाको अस्पतालमा उपचार हुँदै

जिप दुर्घटना हुँदा ३ जनाको मृत्यु भएको छ ।

आइतबार बेलुकी पाल्पाको रैनादेवी छहरा गाउँपालिका–८, सत्यवतीमा जिप दुर्घटना हुँदा ३ जनाको मृत्यु भएको छ भने १२ जना घाइते भएका छ्न् ।

मृतक दुई महिला र एक पुरुषको पहिचान नखुलेको जिल्ला प्रहरी कार्यालय पाल्पाले जनाएको छ । सडकदेखि करिक ७० मिटर तल खसेको लु १ च ९०२४ नम्बरको जिप पाल्पाको सालझण्डीबाट अर्घाखाँचीतर्फ जाँदै थियो ।

दुर्घटनामा घाइते भएकाहरुलाई उद्धार गरी रुपन्देहीस्थित लुम्बिनी प्रादेशिक अस्पताल पठाइएको प्रहरीले जनाएको छ ।