गाडीमा प्रेस लेखेर अवैध सामाग्री ओसार पसार गरेको आरोपमा २ ब्याक्ति पक्राउ

प्रेस लेखिएको गाडीमा २० लाख भन्दा बढी मूल्यको अवैध सामाग्रीसहित २ जना पक्राउ परेका छन् ।

पछिल्लो समय पत्रकारिताका आडमा मुलुकमा राजनैतिक दलका नेताहरुको साँठगाठमा अबैध कारोवार हुने गरेको पत्रकारबृत्तमा चर्चा भइरहेको बेला प्रहरी बृत्त चापागाउँबाट नियमित चेकजाँचका लागि खटिएको प्रहरी टोलीले ललितपुर महानगरपालिकाको वडा नं. २६ चिबहालबाट ‘प्रेस’ लेखिएको सवारीमा अवैध रुपमा ल्याइएको रजनीगन्धा, तुलसी, पासपास, खैनी, गुड्खाहरु, कत्थासमेत २ जना पक्राउ गरेको हो ।

पत्रकारीताको आडमा अबैद धन्दा चलाउने गिरोहले आफ्नो गाडीमा प्रेस टासेर अबैध कारोवार गर्ने प्रचलन पछिल्लो समय बढीरहेको छ ।

बिगतमा भन्सार एजेण्टदेखि ब्यापारी, मेनपावर ब्यसायी लगायतका ब्यवसायमा आवद्ध ब्याक्तिहरुले प्रहरी प्रशासनबाट बच्न गाडीमा प्रेस टाँसेर अवैध धन्दा चलाइ रहेको भेटिएको छ ।

तलितपुरको चिजबहालमा चेक जाँचका क्रममा प्रहरीले प्रेस लेखिएको गाडीमा अबैध सामाग्री सहित सवारी चालक बारा जिल्ला जितपुर सिमरा उपमहानगरपालिका वडा नं. १४ बस्ने दिपकप्रसाद लामिछाने र भारत मोतिहारी जिल्ला छतौनी–११ का सचिन कुमार चौरसियालाई पक्राउ गरेको छ ।

प्रहरीले आइतबार बागमती प्रदेश ०१–०२६ च ८९८० पिकअप भ्यानमा बिल तथा कागजात नभएका २० लाख ७३ हजार ५ सय ९० रुपैयाँ बराबरको बराबरको अबैध सामान, अन्य ब्यक्तिको नामको म्याद गुज्रिएको प्रेस पास थान–३ र पिकअप गाडी पनि नियन्त्रणमा लिएको छ ।

प्रहरीले नियन्त्रणमा लिएको उक्त सामाग्रीसहित पक्राउ परेका ब्याक्तिलाई आवश्यक कारवाहीको लागि आन्तरिक राजश्व कार्यालय हरिहर भवन पुल्चोक पठाएको जनाएको छ ।