युवती हत्या आरोपमा युवक पक्राउ

युवतीको हत्या गरेको आरोपमा एक युवकलाइ प्रहरीले पक्राउ गरेको छ ।

ठमेलस्थित भगवती बहाल डेरा गरी बस्ने चितवनको राप्ती नगरपालिका–७ घर भएकी २६ वर्षीया जेनिशा तामाङको हत्या आरोपमा प्रहरीले युवकलाइ पक्राउ गरेको हो ।

हत्या आरोपमा सोही ठाउँ डेरा गरी बस्ने काभ्रेको धुलिखेल नगरपालिका–१० घर भएका ३० वर्षीय अमर रञ्जितकारलाई पक्राउ गरिएको जिल्ला प्रहरी परिसर काठमाडौंले जनाएको छ ।

उनलाई मंगलबार दिउँसो प्रहरीले पक्राउ गरेको हो। उनीहरूबीच आपसी विवाद भई झै–झगडा एवं कुटपिट भएको थियो।

कुटपिटबाट गम्भीर घाइते भएकी जेनिशाको त्रिवि शिक्षण अस्पताल महाराजगञ्जमा उपचारको क्रममा मृत्यु भएको थियो।