गण्डकीका पूर्वमुख्यमन्त्री पोखरेलले लामो समयसम्म पनि फिर्ता गरेनन् गाडी र चालक

गण्डकी प्रदेशका पूर्वमुख्यमन्त्री कृष्णचन्द्र नेपाली पोखरेलले सरकारी गाडी पदमुक्त भएको पाँच महिना वितिसक्दा समेत फिर्ता गरेका छैनन ।

गत पुस २५ गते पदमुक्त भएरका पोखरेलले आफू मुख्यमन्त्री हुँदा प्रयोग गर्दै आएको ग १ झ  ६०१ स्कारपियो गाडी र चालक  फिर्ता गरेका छैनन ।

गण्डकी प्रदेको मुख्यमन्त्री हुदा आफन्तको नामका ट्रसलाइ करोडौ बजेट विनियोजना, जम्बो मन्त्री मण्डल, सवारी साधन, घरजग्गा लगायतमा चर्को करबृद्धि गरेर बद्धनाम भएका पूर्व मुख्यमन्त्रीले लामो समय वित्दा समेत स्कारपियो गाडी  र सवारी चालक फिर्ता नगरेर आफ्नो पुरोनो विगत दोहोर्याएका छन ।

प्रदेशमा पूर्वमुख्यमन्त्रीलाई सवारी र चालक सुविधा दिने कानून बनाउने समिति बनाएपनि जनस्तरबाट चर्को आलोचना भएपछि सरकार पछि हटेको थियो ।

अहिले कानुनमै नभएको अवस्थामा पनि पोखरेलले जबरजस्त गाडी र चालक निजी काममा प्रयोग गर्दै आएका छन ।

पोखरेलले सवारीसाधन र चालक हालसम्म फिर्ता नगरेको मुख्यमन्त्रीको कार्यलयले जनाएको छ ।

मुख्यमन्त्रीको कार्यलयले एकहप्ता भित्र गाडी र चालक फिर्ता गर्ने निर्देशन गरेको भएपनि उनले फिर्ता नगरेको जनाएको छ ।