पोखराबाट नक्कली प्रोफाइल बनाई चरित्रहत्या गरेको आरोपमा एक पक्राउ

पोखराबाट नक्कली प्रोफाइल बनाई सामाजिक सञ्जालमा चरित्रहत्या गरेको आरोपमा एक पुरुष पक्राउ परेका छन् ।

पीडित महिलाको तस्वीरमा अश्लील तस्वीरहरु जोडेर नक्कली प्रोफाइलसमेत बनाई हैरानी दिएको र चरित्रहत्या गरेको आरोपमा पर्वतको कुश्मा-१४ घर भएका राम कुमार सुनारलाई प्रहरीले पक्राउ गरेको हो ।

साइबर ब्युरोको आग्रहमा कास्की प्रहरीले ४२ वर्षीय सुनारलाई पोखराबाट नियन्त्रणमा लिएको जनाएको छ ।

उनलाई ६ दिन म्याद थप गरि अनुसन्धान अघि बढाइएको पनि प्रहरीले जानकारी दिएको छ ।