अबैधरुपमा औषधि पसल सञ्चालन गर्ने नौ जना पक्राउ

अबैधरुमा औषधि पसल सञ्चालन गर्ने नौ जना भारतीय नागरिक पक्राउ परेका छन्।

अनधिकृतरूपमा औषधि पसल सञ्चालन गरेर औषधि बिक्री गर्दै आएका उनीहरूलाई बुधबार कञ्चनपुरको दोधारा चाँदनी नगरपालिका विभिन्न ठाउँ पक्राउ गरिएको हो ।

उनीहरुले लामो समयदेखि विभिन्न ठाउँमा अबैध औषधि पसल संचालन गरी विरामीको उपचार समेत गर्दै आएको प्रहरीले जनाएको छ ।

पक्राउ गरिएकामा भारतको उधमसिंह नगरका सञ्जय विश्वास, कार्तिक सरदार, रवि विश्वास, निवास गाइन, निरन्जन अधिकारी र भूपेन्द्र पुरी तथा भारत पिलिभितका राजेश विश्वास, सन्तोष सरकार र सुधान्सु हल्दार रहेका छन्। 

कञ्चनपुरको दोधारा चाँदनी नगरपालिकाभित्र अनधिकृतरूपमा औषधि पसल सञ्चालन गरेर औषधि बिक्री गर्दै आएका उनीहरूलाई पक्राउ गरिएको जिल्ला प्रहरी कार्यालयका प्रहरी निरीक्षक भरतराज गिरीले जानकारी दिए।

उनीहरूमाथि अनुसन्धान गरी कारबाहीका लागि स्वास्थ्य विभाग पठाउने तयारी भइरहेको छ।